http://sensho-kitamura.jp/
夢館
http://www.yumeyakata.com/kimono/
岡本
http://www.okamoto-kimono.com/\
三間店家嘅分別，大約以價錢、地點、花紋款式，配套服務及用料黎做比較：
價錢(以下均以小紋和服套裝包括和服，腰帶，草履，手提袋，足袋租借比較)：
染匠 - 只有一個標準價係5250YEN，冇標明男女價錢
夢館 - 長期有優惠價2500，男女同價，但好多小配件都會另外同妳計錢，包括髮飾，帶飾，有色半衿等
岡本 - 有3個PLAN揀，1) 3150YEN係30和服款裡面揀；2) 4200YEN係300和服款裡面揀；3) 5250YEN係超過600和服款裡面揀，包含飾物，內襯衣，男裝和服就4200YEN
店家地點：
染匠
最近嘅景點有高台寺，八坂神社，圓山公園等
夢館
三間店裡面最近京都車站，景點基本上係百搭，東可往清水寺，西可往嵐山公園，南可往伏見稻荷大社，北可往京都御苑，簡單啲講就係……邊個景點都唔近
岡本
超近清水寺，行一分鐘就到！
花紋款式(純以個人觀察)：
染匠 - 款式圖案係最傳統正宗嘅風格，但亦因為咁，款式唔算好多元化，想體驗傳統嘅和服工藝嘅話，呢間係首選
夢館 - 款式偏向可愛年輕，妳會見到有大薔薇圖案，甚至心型圖案都有，時尚感比較重
岡本 - 最多元化，見網上分享亦都話款式選擇最多，要成熟有成熟，要可愛有可愛，但可愛度就冇夢館咁「專注」，定位算係染匠與夢館之間
配套服務(呢PART主要講SET頭)：
染匠
基本上成個官網就只係得呢張勉強算髮型相
，而當妳入到去佢個官網睇客人嘅體驗相，基本上都係呢個頭，畢竟這店家嘅賣點，係傳統……
，而當妳入到去佢個官網睇客人嘅體驗相，基本上都係呢個頭，畢竟這店家嘅賣點，係傳統……
夢館
先講髮型，定價分三種，首先係預設6款髮型，1500YEN
另外傳統日式髮型，5000YEN
(小妹妹梳呢個頭就好似動畫「甜甜小公主」咁！好可愛好可愛呀！！)
最後就係帶髮型SAMPLE相嘅自選髮型，3000YEN
此外髮飾300YEN，如想要全臉化妝就另加3000YEN
岡本
有預設三種髮型可揀，500YEN，髮飾免費
用料：
呢樣就真係未有親身評價，綜合網上討論，布料同染色最靚最細緻嘅係染匠，夢館其次，之後就係岡本。
總括黎講，論正宗體驗首選染匠，論價錢夢館雖然最平但其實有好多小節上都要收錢，要注意控制預算。驟眼睇岡本係最平均嘅一間，去清水寺最方便，原本我都諗住搵佢就算，但係搵評論嘅過程中，見到有些意見話岡本客人太多，有啲細節做得不太好，例如腰帶綁得唔夠緊，和服易變形，整裝匆忙唔夠細心。
而夢館方面，和服款式最可愛鮮艷(連日本偶像組合NMB48都有著佢地嘅和服)，髮型方面因佢地有自己嘅SALON團隊所以質素係時裝雜誌水準，反正我唔打算去清水寺就無謂同人地迫喇，所以最終我揀咗夢館，我包車嘅話，夢館最近京都車站反而仲方便我。最緊要一樣野，佢地有華人客服專線！！完全唔洗驚雞同鴨講，有咩緊急事要問嘅話完全冇任何語言障礙！
如果大家係選擇普通和服體驗套餐，以上三間有網上預約服務，而且係英文所以唔洗擔心。
